Hat diyarkirin ku rejîma Îranê danê vê sibehê 7 girtiyên Kurd înfaz kirin.

Li gorî nûçeya Ajansa Mezopotamyayê, rejîma Îranê danê sibehê girtiyê siyasî Mohîeddîn Îbrahîmî li Girtîgeha Navendî ya Urmiyê îdam kir.

Hat ragihandin ku girtiyê siyasî yê kurd Mohieddîn Îbrahîmî ku berî du rojan cara dawî bi malbata xwe re hevdîtin pêk anîbû, ji bo îdamkirinê biribûn hucreya yek kesî. Vê sibehê ji malbata wî re hatîye ragihandin ku Îbrahîmî îro danê sibê hatiye îdamkirin.

Hat ragihandin ku rejîma Îranê Ferweher Abbasnejad, Mihemed Eyûbiyan, Cehanbaxş Radluyî, Yasîn Raşîdî û Hasam Omrî yên ku dihat gotin bi hinceta qaçaxçîtiyê li Girtîgeha Navendî ya Urmiyê girtî ne û Nasrîn Niyazî ya ku sûcê wê nehate diyarkirin jî îdam kirin.

Li Îranê ji destpêka îsal ve herî kêm 145 kes hatine îdamkirin. Hate diyarkirin ku ji ber dereng danasîna agahiyên li ser darvekirinê dibe ku ev hejmar zêdetir be.