Hêzên Piştgirîya Bilez yên paramîlîter ku li Sûdanê bi artêşê re şer dikin, banga Amerîka ya agirbestê qebûl kirin.

Fermandarê Hêzên Piştgirîya Bilez Mihemed Hamdan Dagalû, ku li Sûdanê bi artêşê re şer dike li ser hesabê xwe yê Twitterê wiha got: “Piştî hevdîtina bi Wezîrê Karên Derve yê Amerîkayê re ku banga agirbesteke demkî kiribû, ji bo misogerkirina derbasbûna ewle ya sivîlan û derxistina birîndaran, Em erêkirina xwe ji agirbestê re dubare dikin.” Dagalu îdia kir ku Hêzên Çekdar ên Sûdanê banga agirbestê bi cih neanîne û wiha got: “Artêşê herêmên qelebalix ji hewayê ve bombebaran kir û jîyana sivîlan xiste metirsîyê. Ev kiryar binpêkirina eşkere ya bingeh û prensîbên hiqûqa navneteweyî û mirovî ye. Daxuyanîya serhildayan a agirbesteke 24 demjimêran armanc dike ku têkçûna xwe ya têkçûyî di nav çend demjimêran de veşêre.”