Enstîtûya Lêkolînên Rojnamevanîyê ya Reutersê, Rapora Nûçeyên Dîjîtal a 2022an a li ser xerckirina nûçeyên dîjîtal ên li 46 welatan ku Tirkîye jî di nav de ye weşand.

Li gor encamên anketa ku bi qasê 93 hezar xerîdarên nûçeyên dîjîtal re hatiye kirin, di raporê de hate dîyarkirin ku eleqeya xerîdarên cîhanê ji nûçeyan re kêm bûye û têkilîya di navbera rojnamevanî û civakê de qut bûye. Di berdewamîya raporê de wiha hat gotin; "Sansûra siyasî zexteke zêde li ser medyaya serbixwe dike. Hin caran nûçeyên online têne astengkirin, carinan jî naveroka ku neguncaw an jî acizker tê dîtin, tê xwestin ku were rakirin. Weke mînak nûçeyên li ser bêrêtîyên di îhaleyên hikûmetê de têne girtin an jî bi biryara dadgehê ya bilez têne rakirin." hat gotin.