Di daxuyanîya bi îmzeya hevpar a sazîyên Elewîyan ya bi navê “Ne Însiyatîfa Elewîyan a Demokratîk e, ev yek darbe ye” de wiha hate gotin; “Em dîyar dikin ku paketa ku Serokkomar ragihandîye, ne pakêta ‘reforma demokratîk’ a ji bo Elewîyan e, berovajî vê yekê êrîşeke bê şekl, bêhêvî û antîdemokratîk a li dijî Elewîyan e. Kesên ku li demokratîkbûnê digerin, divê berîya her tiştê guh bidin civaka Elewî û sazîyên wan ên rewa û wan weke muxatab bihesibînin. Em sazîyên Elewîyan ên li jêr îmze kirine dîyar dikin ku bi salan e em her tim ji diyalogê re vekirî û amade ne. Lê belê weke bi salan e, xuyaye ku çavên rejîmê kor û guhên wê kerr in. Di vê kor û kerrbûnê de her pakêta ku bi gotina 'Min kir' were ragihandin wê ji bilî reflekseke dewletê ya kevneşopî, antîdemokratîk, rastgir ne tiştekî din be.”