Nexweşên ku li Amedê nikarin randevûya klînîka bibînin, ji ber ku heqê muayeneyên nexweşxaneyên taybet pir zêde ne, neçar dimînin ku beşa lezgîn a nexweşxaneyên dewletê hilbijêrin.

Welatîyên ku ji ber mehên zivistanê bi enfeksiyona qirikê ketine, bi şev serî li Servîsa Lezgîn a Nexweşxaneya Jineolojî û Nexweşîyên Zarokan a Amedê dan û ji ber wê jî qelebalixa zêde ya li odeya lezgîn çêbû.

Li Servîsa Lezgîn a ku 2 bijîşk lê dixebitin, rêza ji bo meqbûzên muayeneyê bi metreyan dirêj bû.

Dayîk û bavên ku xwestin zarokên xwe yên nexweş muayene bikin bi saetan li bendê man. Welatîyan xwestin ku derbarê kêmbûna bijîjkan a li nexweşxaneyên dewletê de di demek herî kin de çareserî bê dîtin.