Serokê Dewleta Filistînê Mahmûd Abbas derbarê êrîşa Îsraîlê ya li Gazeyê da got ku "Divê Îsraîl bê cezakirin.

" Abbas gotina Îsraîlê ya ku dibêje êrîş aîdî Filistînîyan e derewand û wiha got: "Êrîşa li Nexweşxaneya Baptist a li Gazeyê ji alîyê Îsraîlê ve hat kirin. Ev sûcekî ku nayê efûkirin e.

Hikûmeta dagirker hemû xetên sor derbas kirîye.

Ji ber vê sedemê em ê rê nedin wan ji ceza û lêpirsînê birevin.

” Abbas dîyar kir ku piştê bûyerê bi Misir û Urdunê re hevdîtin pêk anî û her wiha ragihand ku ew lûtkeya çaralî ya li Ammanê ya ku dihat plankirin û Serokê Amerîkayê Joe Biden jî beşdar bibe, betal kir.

Abbas ji Konseya Ewlekarîyê ya Neteweyên Yekbûyî xwest ku berpirsiyarîya xwe bi cîh bîne û her wiha ji konseyê daxwaz kir ku bila komkujîyê şermezar bike û şer rawestîne.