Li Teşkîlata Bajêr a Amedê ya CHP’ê de geşedanek balkêş çêbû.

Navenda Giştî ya CHP’ê, di çarçoveya sûcên dîsîplînê de, namzetê Serokatîya Bajêr Mehmet Şerîf Dogrû jî di nav de 38 nûnerên xwe, berîya kongreyê ku hefteyek jê re mabû, îxrac kir. Navenda giştî, îxracan bi zagonên hundirîn re girê da. Di nivîsa ku ji alîyê navenda giştî ji bo teşkîlata partîyê hatîye şandin de destnîşan kirin ku: “Bi xalbenda qanûnê ya derbarê mijarê, di civîna ku 29’ê tebaxê de hatibû li dar xistin, bi rayên piranî, ji bo tedbîrê 38 nûner bi daxwaza “cezaya teqez” sewqê Lijneya Dîsîplînê ya Bajêr a Amedê bûn.” Her wiha hat dîyar kirin ku di kongreyê de wê ji bo serokatîya Teşkîlata Bajêr a Amedê ya CHP’ê Sertaç Eke, Meltem Gonullu û Suleyman Arslan namzetîya xwe danîne.