Li Dewletên Yekbûyî yên Amrîkayê pêvajoya hilbijartina Serokatîyê îro dest pê kir û hat ragihandin ku Serokê berê yên Amrîkayê Donald Trump bi rehetî di hilbijartinên seretayî yên Partîya Komarparêz a Iowa de bi ser ket.

Li eyaleta Iowa ya Dewletên Yekbûyî yên Amerîkayê, ku pêvajoya hilbijartina serokatîyê bi kevneşopî dest pê dike, hilbijartinên pêşwext ên ku namzedên Komarparêzan tîne hemberê hev, bi dawî bû.

Li gorê encamên nefermî yên ku ajansa nûçeyan AP ragihand, Trump li Iowa’yê reqîbên xwe Walîyê Florîda Ron DeSantis û Nûnera Daîmî ya berê yên Neteweyên Yekbûyî ya Amrîkayê Nikki Haley li pey xwe hêşt û bû yekemîn.

Li gorê encamên nefermî yên pêşhilbijartinên ku di çarçoveya komcivînê de hatin kirin de, Trump bi ji sedî 51ê dengan serkeftineke rehet bi dest xist. Namzedê ku wê di hilbijartina Serokatîyê ya ku di 5ê Mijdarê de bê kirin de bi ser bikeve wê di 20ê Çileya 2025an de dest bi peywîra xwe bike.