Baglar Belediyespor, Çinar Belediyespor, Erganîspor û Yenîşehîr Belediyespor wê di sezona 2022-2023 de di Lîga Futbolê ya Amator a Herêmê (BAL) de li Amedê temsîl bikin. Dîroka destpêkirina lîgê û rewşa lîgê wê di rojên pêş de bê eşkerekirin. Hat dîyarkirin ku klûbên ku mafê wan ê beşdarbûna Lîga Amator a Herêmê ya ku sezona 13’emîn wê ji alîyê Federasyona Futbolê ya Tirkîyeyê va bê tertîpkirin, divê herî dereng heta 18’ê Tîrmeha 2022an, belgeyên beşdarbûna xwe ji Midûrîyeta Karên Amatoran a TFF’yê ya Daîreya BAL’ê re bişînin.