Alîkarê Wezîrê Çand û Turîzmê Ahmet Misbah Demîrcan li Amedê bi endamên çapemenîyê re hat cem hev û der barê danasîna navçeya Sûrê de agahî da. Demîrcan dîyar kir ku ew ê li Sûrê mîhrîcana çandê li dar bixin û dîrok wê piştre bê eşkerekirin.

Demîrcan dîyar kir ku ji bo danasîna nirxên madî û ne madî yên Amedê li navçeya Sûrê bi mîhrîcanekê çand bê lidarxistin û wiha berdewamkir; “Dîroka mîhrîcanê ne dîyar e, lê tê plankirin ku di payîzê de bê lidarxistin. Mîhrîcana ku wê 9 rojan bidome wê bibe mîhrîcana ku tê de xwarinên Amedê û nirxên din wê bên danasandin û her wiha danasîna cihên dîrokî. Xebat dest pê kirin, em ê di demek herî nêz de dîrokê dîyar bikin."