Rêveberê Înîsîyatîfa Şopandina Perwerde û Reformê ya Amedê (DÎERG) Prof. Dr. Azîz Yagan, da zanîn ku di heyama 2023’an de ji alîyê Wezareta Perwerdehîya Neteweyî ve ji bo kurmancî 35 kontenjan, ji bo zazakî jî 15 kontenjan hatîye veqetandin.

Prof. Dr. Yagan, di xaftina xwe de wiha got, “Wezareta Perwerdehîya Neteweyî di heyama tayînkirina mamosteyan a sala 2023an de ji bo kurmancî 35 û ji bo zazakî ji 15, bi tevahî 50 kota veqetand. Ji bo vê em spasîya Wezaretê dikin. Bi vê hejmarê xwendekar, mamosteyên kurdî û dê û bavên ku dersa kurdî hilbijartibûn ketin serdemeke ewletir û berhemdar.”