Nivîskarê Rojnameya Cumhuriyetê Bariş Pehlivan di gotara xwe ya îro de cih da îfadeyên Wekîlê AKP'ê yê Rihayê Îbrahîm Halîl Yildiz ku navê wî di bûyera qetilkirina 3 endamên malbata Şenyaşar de cîh digre. Pehlîvan, anî ziman ku Yildiz, derbarê malbata Şenyaşar de gotiye "Dibe ku êrîş ne êrîşeke terorîstî be, lê malbat terorîst e" îtham kirîye û balkişand ser vê yekê ku hem Midûriyeta Polîsan û hem jî dozgeriyê heta niha têkiliya malbata Şenyaşar bi PKKê re nehatiye ispat kirin. Herwiha Yildiz gotiye, "Birîndarên her du aliyan jî rakirin heman nexweşxaneyê û ev jî tê wateya ku di çarçoveya heman planê de hatiye kirin." Li gel pirsa Pehlîvan a “Tê gotin ku hêzên ewlehiyê li ser daxwaza we mudaxeleyî bûyerên li nexweşxaneyê nekirin e” jî wiha got: “Min bi ti polîsekî re hevdîtin nekir. Ji Fakıbaba bipirsin, ez derketim lê ew li wir bû.” Yildiz, derbarê gefên li Ahmet Eşref Fakîbaba de jî wiha got: “Ez tehdîdê nizanim. Malbata min 5 hezar kes in... Hûn nikarin hemû malbatê tawanbar bihesibînin.” Her wiha derbarê mijara ku ji aliyê xizmên wî avêtina ser mêvanxaneya ku Fakîbaba lê dima de jî wiha got: "Fakîbaba ew xistine xefikê, niha jî xwe weke mexdûr nîşan dide.”