Parlamenterê Partîya Çepên Kesk Ferît Şenyaşar, anî ziman ku Wezîrê Dadê Yilmaz Tûnç ji edaletê direve û got: "Ger di bêedaletîyê de israr bikin, dê Wezîrê Dadê, hikûmet û Tirkîye winda bikin."

Ferît Şenyaşar dîyar kir ku herî kêm 30 caran daxwaz kirine ku hevdîtinê bi Wezîrê Dadê re bikin lê daxwazên wan çi erênî çi neyînî nehatine bersivandin.

Şenyaşar di berdewamîya axavtina xwe de wiha got, “Em careke din bang dikin, ev helwesta Wezîrê Dadê bandorê li tevahîya civakê dike. Divê derîyê edaletê ne girtî be. Ev helwesta Wezîrê Dadê bandorê li doza me jî dike."