Berdevkê Kremlînê Dmitri Peskov, derbarê îdiayên ku Rûsya mudaxeleya hilbijartinên Tirkîyeyê kirîye de daxuyanî da.

Peskov li paytext Moskovayê di daxuyanîya xwe de sûcdarîya namzedê serokomarîyê û Serokê Giştî yê CHPê Kemal Kiliçdaroglu nirxand. Peskov dîyar kir ku Rûsya di hilbijartinên welatên din de cih nagire û wiha got, “Em van îdîayana red dikin.

Me gelek caran gotîye ku em tevlê karê navxweyî û pêvajoya hilbijartinê nabin. Di vê mijarê de kesên agahî dane birêz Kiliçdaroglû ew rast nabêjin û derewan dikin.