Ji ber ku piştî Cejna Qurbanê hewa germ bû, welatîyan li nêzî Bendava Dîcleyê bêhna xwe didan, ava derdora bendavê ya li nêzî Gundê Tilham a Amedê veguherî sergoyê çopê.

Dîtina çopê li nêzî bendava ku piranîya ava vexwarinê ya Amedê lê tê dîtin bû sedema bertekan. Şênîyên taxê gotin, “Çop li hev kom dibin û ev zibil bi ava bendavê re tevlihev dibin.

Piranîya avê bi berhemên plastîk qirêj dibe. Di heman demê de li vê herêmê ti konteynerên çopê tune ne. Daxwaza me ji rayedaran ew e ku hem çopê kom bikin û parêzvanekî li vê deverê vezîfedar bikin da ku welatîyan hişyar bikin ku jîngehê qirêj nekin."