Serokomar Recep Tayyîp Erdogan gotibû, "Ez ji bilî Elezîzê li her 11 bajaran gerîyam, lê ez rastê tu kesên ji şaredarîyên bajarên mezin ên mûxalefetê nehatim. Min ew li wir nedîtin." Ji CHPê bi daxuyanîyeke nivîskî bersiva van gotinên Erdogan hat dayîn.

Alîkarê Serokê Giştî yê CHP'ê Seyît Torun jî daxuyanî da û wiha got, "Ma çavên we jî mîna wijdanê we tarî bûne? Weke hikûmetê we ev êş û jana bi gel da kişandin, hûn hê jî bi kîjan rûyî diaxivin? Bi vir û derewan hûn nikarin xwe ji berpirsyarîyê pak bikin. Ger hûn samîmî ne kerem bikin em herin herêma erdhêjê. Şaredarîyên me 9 hezar û 266 wesayît û 27 hezar û 135 personel şandin herêmê.”