20ê Kanûnê roja Sêşemê saet di 14.00an de wê sêyemîn civîna Komîsyona Tesbîtkirina mûçeya herî kêm bê lidarxistin.

Komîsyonê civîna xwe ya yekem di 7ê Kanûnê de û ya duyem jî di 14ê Kanûnê de li dar xistibû. Piştê civîna duyemîn a komîsyonê ya di 14'ê Kanûnê de pêk hat, Sekreterê Giştî yê TÜRK-ÎŞ'ê Pevrûl Kavlak diyar kiribû ku di civîna ku bi qasî 2 saet û nîvan dewam kiriye de ti reqem nehatîye axavtin. Di civîna sêyemîn a 20'ê Kanûnê de tê hêvî kirin ku ev hejmar were nîqaşkirin. Heya niha ji bo karkerekî wek mehane mûçeya herî kêm 6 hezar û 471 lîre ye, lê dema bac jê tê daxistin jî ya ku dikeve destê karker 5 hezar û 500 lîre û 35 quruş e.