Wezîrê Enerjî û Çavkanîyên Siruştî Fatîh Donmez di bersiva pêşnîyarnameya ya Parlementerê CHPê yê Stenbolê Sezgîn Tanrikûlû de, hejmara aboneyên ku di sala 2021an de ji ber deynan, elektrîka wan qut bûye eşkere kir.

Sezgîn Tanrikûlu di pirsa xwe ya meclîsê de ji Fatih Donmez, hejmara aboneyên ku di sala 2021an de ji ber deynan li Tirkîyeyê elektrîka wan hatîye qutkirin pirsî. Wezîr Donmez di bersiva xwe de hejmara aboneyên ku sala par li Tirkîyeyê elektrîka wan qut bûye wek 356 hezar û 488 eşker kir. Derbarê aboneyên ku elektrîka wan qut bûye de jî Wezîr Donmez got, "Piranîya aboneyan ji şênîyên demsalî yên wekî gund, deşt û havîngeh û malên bazirganîyê yên demsalê pêk tên."