Parlamentera HDP'ê ya Amedê Dêrsim Dag, rewşa rojnamevanên ku li Amedê hatin binçavkirin, ji Wezîrê Edaletê Bekîr Bozdag pirsî. Dag, di pirsên xwe de bal kişand ser sedema astengkirina dosyeyên rojnamevanan û girtina wan di hûcreyên yek kesî de ye yan na. Dêrsim Dag, ji bo Wezîrê Edaletê bibersivîne pirsen wiha pirsî; “Hinceta hiqûqî ya binçavkirina rojnamevanan çi ye? Ji bo rojnamevanîyê bi awayekî azadtir û bi edalet karê xwe yê rojnamevanîyê bidomînin, gelo xebatekê we wê hebe? Çima rojnamevan di hûcreyên yek kesî de ne? Çend rojnamevan di girtîgehan de ne û sedemên girtina wan çi ne?”