Fona Alîkarîya Zarokan a Neteweyên Yekbûyî (UNICEF) îro berîya konferansa navneteweyî ya li ser parastina zarokan ku li Osloyê hat lidarxistin, daxuyanî da.

Di daxuyanîyê de hate gotin ku ji sala 2005’an û vir ve, li giştîyê dinyayê ji 120 hezar zêdetir zarok li cîhanê di şerê çekdarî de seqet bûne yan jî hatine kuştin. Her wiha hat ragihandin ku di nava 8 salên dawî de herî kêm 105 hezar zarok ji alîyê hêzên çekdar ve rasterast ji bo pevçûnan hatine erkdarkirin. Li gor daneyên UNICEF'ê di nava 18 salan de herî kêm 32 hezar zarok hatine revandin û zêdetirê 16 hezar zarok jî rastê tundîya destdirêjîyê hatin e. Di daxuyanîyê de her wiha hate gotin ku zêdetirê 16 hezar êrîş li dijî dibistan û nexweşxaneyên ku zarok tê de ne hatine kirin. Rêvebera UNICEF'ê dîyar kir ku ji bo di şeran de zarok baştir bên parastin, divê li ser asta cîhanê xebateke xurtir bê kirin. Her şer, di encamê de li dijî zarokan e.”