Meclîsa Tenduristî û Ewlehîya Kar (ÎSÎG) rapora cînayetên kar a meha Berfanbarê eşkere kir.

Li gorê rapora ÎSÎG'ê, di meha Berfanbarê de 4 jê jin 150 jî mêr bi giştî 154 kes di cînayetên kar de jîyana xwe ji dest dane. Di nava kesên jîyana xwe ji dest dane de 5 zarok û 6 penaber jî hene.

Di raporê de rêjeya kesên ku di sektora înşaet û rêyan de di cînayetên kar de jîyana xwe ji dest dane ji sedî 29 bû. Ev rêje di veguheztinê de ji sedî 12, di çandinî û daristanan de ji sedî 11, di bazirganî û kargehê de ji sedî 9 û di karsazîya metal de jî ji sedî 8 bû.

Di raporê de li gor sedemên mirinê, perçiqandin û hilweşîn ji sedî 22, qezayên trafîkê û xizmetguzarîyê ji sedî 21, ketina ji bilindahiyê jî ji sedî 19 hatîye dîyarkirin.

Li Amedê di cînayeta kar de 6 karker jîyana xwe ji dest dan.

Di raporê de her wiha hate destnîşankirin ku di sala 2023’an de herî kêm 1929 karker mirine.