CHPê civîna Meclisa Partîyê ya herî krîtîk û demdirêj a salên dawî li dar xist.

Di civîna ku 9 demjimêran berdewam kir de îtîrazên 4 serokên bajaran û 1 serokê navçeyan ên ku bi biryara Lijneya Rêveberîya Navendî (MYK) ji wezîfeyê hatibûn girtin, nehat qebûlkirin.

Li gor agahîyên ku hatine wergirtin Serokê Giştî yê CHPê Kemal Kiliçdaroglû bi tundî rexne li endamên Meclîsa Partîyê yên ku ji bo îadekirina wan deng dane kirin. Hate hînbûn ku Kiliçdaroglû ji bo kesên ku dengê xwe dane îadekirina serokên Agirî û Wanê gotîye, "Pereyê Partîyê tê dizîn. Hûn jî van serokên bajaran diparêzin. Ev ne tiştekî qenc e."