Di doza ku di 5'ê Hezîrana 2015'an de, êrîşa bombeyî ya li dijî mîtînga HDP'ê ya li Qada Îstasyonê ya Amedê pêk hat de, 4 polîsên ku berîya niha bi hinceta "îxmalkirina xebatê" hatibûn girtin, careke din hatin darizandin. 9'emîn Dadgeha Cezayê Giran a Amedê, di meha Sibatê de cezayê girtîgehê yê li 4 polîsên bersûc hatibû birrîn, betal kiribû. Dadgehê di hincetên xwe de dîyarkir ku polîsên ku cezayê girtîgehê lê hatiye birrîn, nikarin ji bûyerê berpirsyar bên dîtin. Berpirsîyariya qetlîamê bi hinceta ku çopê kom nekiriye, şaredarîyê hatîbû dîtin. 14'emîn Dadgeha Cezayê Giran a Amedê, biryara xwe ya ji nû ve danişînê eşkere kir û biryara 9'emîn Dadgeha Cezayê Giran a ji bo rakirina cezayê li polîsên bersûc hatibû dayîn, bi cih anî. Her çar polîsên bersûc hatin berdan.