Odeya Pîşesazî û Bazirganîyê ya Amedê (DTSO) ji bo projeya beşdarbûna ciwanan di nava hêza kar û gihandina wan a karên bi kalîte hatîye amadekirin de, ji Yekîtîya Ewropayê destek wergirt.

Hat dîyarkirin ku budçe 315 hezar Euro ye û di çarçoveya projeyê de salekê wê perwerdeya şêwekarîyê bidin ciwanan.

Serokê Weqfa Perwerdehîya Zanistê ya DTSO Mehmet Kaya û Endamê Xezîneyê Baran Durmaz, beşdarê merasima îmzekirina projeya ku di çarçoveya Bernameya Xebatê ya Çavkanîyên Mirovan de tê destekkirin bûn.  

Di çarçoveya projeya ji bo salekê de, wê li Dibistana Pîşesazîyê ya Amedê ji ciwanan re perwerdeyên sêwirandinê bên dayîn, ji kesên ku dixwazin dest bi kar bikin wê desteka şêwirmendîyê bê dayîn û yên ku dixwazin karekî peyda bikin wê bi karsazan re bîne balhev.

DTSO ji bo ciwanên ku di beşên cuda de perwerdeyê dibînin dê desteka îstîhdamê bide û ji bo ciwanên ku li bajarên cuda li kar digerin jî wê piştgirî bê dayîn.

Kaya, anî ziman ku wan weke Ode û Weqfê di warên cuda de proje bi pêş xistine û wiha got: “Em bi van hevkarîyên ku di çarçoveya Gastronomî, Navenda Piştgirîya Karsaz û Dibistana Pîşesazîyê de li ser jin, ciwan û KOBÎ’yan dixebitin. Em hemû rêxistinên navneteweyî yên ku em pê re hevkarîyê dikin spas dikin.”