Wezîrê Derve yê Amerîkayê Antony Blinken, ragihand ku alîyên li Sûdanê ji bo 72 saetan agirbestek li seranserê welat, ku ji nîvê şeva 24ê Nîsanê û pê de dest pê dike, li hev kirine.

Blinken, derbarê pevçûnên li Sûdanê de daxuyanîyeke nivîskî weşand û wiha got: "Piştê muzakereyên dijwar ên 48 demjimêrên dawî, Hêzên Çekdar û Hêzên Piştgirîya Bilez (HDK) yên Sûdanê li ser agirbesteke neteweyî ya ku wê ji nîvê şeva 24ê Nîsanê û pê de dest pê bike û 72 demjimêran berdewam bike, li hev kirine.” Blinken dîyar kir ku ew ê xebatên xwe yên ji bo serdestîya sivîl bi alî û şirîkên şerê li Sûdanê re bidomînin. Di vê navberê li ser hesabê Twîtterê yê Hêzên Piştgirîya Bilez, hat ragihandin ku wan bi navbeynkarîya DYA'yê agirbest qebûl kirin e.