Civîna Kongreya Civaka Demokratîk (DTK), Kongreya Demokratîk a Gelan (HDK), Partîya Herêmên Demokratîk (DBP), Partîya Çepên Kesk û Partîya Demokratîk a Gelan (HDP) ya li ser nexşerêya serdema nû hatibû lidarxistin, bi dawî bû.

Piştê civînê daxuyanî hat dayîn û hat dîyarkirin ku gelê Kurd di pêvajoya hilbijartinê de û di dema hilbijartinê de tevî hemû zext û zordarîyan li ser sindoqan helwesta xwe nîşan da û wiha got, “Em negîhiştin armanca xwe ya ku me ji hilbijartinê hêvî dikir. Em vê rewşê qebûl dikin. Em ê rola xwe ya di têkoşîna demokrasîyê de hîn mezintir bikin û em ê bibin pêşengên tevgera azadîyê ya bi hêztir.