Piştê pevçûnên li Îsraîlê, gelek şîrîketên balafiran ragihandin ku wan seferên xwe yên ber bi Îsraîlê ve rawestandîye.

Şîrîketên Amerîkî United Airlines, Delta û American Airlines ragihandin ku wan ji duh ve seferên rasterast ên ji bo Îsraîlê rawestandîye. Piştre, şîrîketa Fransî Air France û şîrîketa Fînlandîyayê Finnair tevlê van şîrketan bûn.

Di daxuyanîya ku ji alîyê United Airlines ve derbarê mijarê de hat dayîn de hat dîyarkirin ku "heta şert û merc destûrê bidin" hemû seferên ber bi Îsraîlê ve hatine rawestandin.

Berdevkê şîrîketa Deltayê dîyar kir ku seferên vê hefteyê hatin betalkirin û ji bo seferên pêşerojê ew ê rewşê binirxînin.