Parlamentera HDP'ê ya Wanê Muazzez Orhan Işik, piştê agahîya ku li navçeya Saraya Wanê, 2 leşkerên li ser sînor dixebitin, dema penaberên jin ên di 2'yê Çileya 2023'an de dîl girtine û dersînor dikin, destdirêjî li jineke penaber kirine û hatin girtin, pirsnameyek pêşkêşê Meclîsê kir.

Ji bo ku Wezîrê Parastina Neteweyî Hulusî Akar bersiv bide wiha hat pirsîn, “Gelo ji alîyê wezareta we ve derbarê îdiaya tecawiz û destdirêjîyê ya leşkerên bi peyman de lêpirsîn hatîye vekirin an na? Ji bo pêşîgirtina li bûyerên tacîz, destavêtin û îstismarkirina penaberan di dema derbasbûna penaberan de çi tedbîr têne girtin? Ma wê mekanîzmayek were damezrandin ku bi baldarî û bilez îdiayên îstîsmar û tacîzên di artêşê de werin lêkolîn kirin an na?