Ji bo 424 namzetên ku ji bo îlana karê ajokarîyê ya 41 ajokarên otobusan a Şaredarîya Êlihê hat îdîakirin ku di azmûna dîreksîyonê de bêrêtî hatîye kirin.

Hin ji namzetên ku azmûnên wan ên dîreksîyonê digel ku biserkeftî çûye dîyar kirin ku navên wan di lîsteya ku yên bi serkeftî azmûnê borandin de tune ye û bertek nîşanê vê rewşê dan. Ajokarên ku çûn azmûna dîreksiyonê destnîşankirin ku ev lîsteyên ku hatin aşkerekirin bêrêtî hatîye kirin û daxwaza dubarekirina azmûnê kirin. Ligel vê yekê rayedarên Şaredarîya Êlihê derbarê mijarê de daxuyanî da û di daxuyanîyê de dîyar kir ku azmûn bi çavderîya polêsên trafîkê yên pispor re çêbûye û tu bêrêtîyek pêk nehatîye.