Seroka Giştî ya ÎYÎ Partiyê Meral Akşener got ku, "Berîya ku Netanyahu sûcdarê şer bê îlankirin divê çend zarokên din bimirin?" Akşener di civîna koma heftane ya ÎYÎ Partîyê de derbarê rojevê daxuyanî da.

Akşener li ser gotinên Serokê 7emîn ê CHPê Kemal Kiliçdaroglu yên ku di kongreya partîya xwe de ku gotibû, "min ji pişta min ve xençer kirin" de û wiha got: "Birêz Kiliçdaroglu behsa xencerê kir, lê ev di nîvê de ma. Ger ez bim, min tu carê li pişta kesê nexistîye, ger heq kirîye min li dilê wan xistîye.

Ez ew kes im ku di nav şeş kesan de bi zelalî axivîm. Ku ne ez im, xencer ê kê ye?" Akşener derbarê êrîşên Îsraîlê yên li ser Gazeyê de jî wiha axivî; “Li Filistînê hovîtîya Netanyahu berdewam dike. Filistînî bi rastî di zengila agir de asê mane. Cîhan li dora vê zengila agir direqise. Yên ku ji ber vê zilmê sîyaset meşandin, zincîra bextewarîyê afirandin.

Berîya ku Netanyahu sûcdarê şer bê îlankirin divê çend zarokên din bimirin?" Akşener li ser pirsgirêkên aborî yên li Tirkîyeyê jî wiha got; “Têkoşîna gelê me ya li dijî enflasyonê didome. Wekî ku hûn dizanin, hê jî planek li dijî enflasyonê ji hêla rêveberîya nû ya aborî ve nehatîye ragihandin. Plana Dema Navîn heye. Min got ku ew ne planek e, rêzek xwestekan e. Gelê me hatîye wê astê ku ji ber teserûfê em nikarin nefesê bistînin, lê jîyana kêfê ya li qesrê dewam dike."