Li Amedê pispor û rayedaran derbarê neşewitandina pirêzeyan a piştê çinînên hûbûbatan de cotkaran hişyar kirin.

Li Amedê çinînên hûbûbatên wek genim, ceh û nîskan xilas bûye yên pembû û garisan jî hê didomin. Midurê Daristan û Çandinîyê yê Bajêr ê Amedê Mûstafa Ertan Atalar derbarê şewatên pirêzeyên ku li Amedê pirsgirêkek mezin e axivî û wiha got: ‘Şewatên pirêzeyan pirsgirêkên bêweçbûna axê derdixe holê. Bi bêweçbûnê berhemên erdan kêm dibin, candarên ku di erdan de madeya organîk çêdikin wan tune dikin. Daxwaza me ew e ku bila pirêzeyan neşewitînin. Alternatîfa şewitandina pirêzeyan êdî bi makîneyên çandinîyê pêkan e.