Hevserokê Giştî yê Partîya Herêmên Demokratîk (DBP) yê Amedê Hayrettîn Altun, bi hinceta kiryar û bûyerên ku beşdarê wan bûye, heta 15 salan cezayê girtîgehê jê re tê xwestin.

Di çarçoveya lêpirsîna ku ji alîyê Serdozgerîya Komarê ya Amedê ve hatîye destpêkirin de, di derbarê Altun ê ku bi hevserokê DBP’ê Keskîn Bayindir û 14 hevserokên DBP’ê re di 23’ê Kanûna 2020’an de de hatibûn binçavkirin û heta demeke dîyarkirî hatibûn ragirtin, 15 sal cezayê hepsê tê hat xwestin. Di danişîna doza Altun ê ku hêjî berdewam dike de, ji doza ku li 5'emîn Dadgeha Cezayê Giran a Amedê bi îdiaya "endamtîya rêxistina terorê" hat vekirin, Serdozgerê Komarê bi daxwaza cezakirinê nêrîna xwe pêşkêş kir. Dozgerîyê xwest ku ji 7 sal û 6 meh heta 15 salan cezayê girtîgehê li Altûn bê birîn.