Alîkarê Serokkomar Cevdet Yilmaz got ku, "Em ji bo memûr û kesên teqawîdbûyî ji sedî 50 zemek mezin pêşbînî dikin.

" Yilmaz di bernameyeke televîzyonê ya ku beşdar bû de derbarê rojevê de axivî û wiha got, "Ji bo memûr û memûrên teqawîdbûyî wê ji sedî 50 zem pêk were.

Karkerên teqawîdbûyî di bin şert û mercên cuda de ne. Em ê nêzêkatîyek bigirin ku hevsengîya di navbera beşên cûda yên teqawîdbûyî de diparêze û bi taybetî deverên jêrîn dihesibîne." Yilmaz derbarê zêdekirina kirê de wiha axivî; "Sînordarîya ji sedî 25 ya li ser kirê tedbîrek bû ku me ji bo parastina kirêdaran di heyama ku enflasyon bilind bû de girt.

Enflasyon wê di sala 2024an de bigihîje asteke maqûl. Ji ber vê yekê ji ber ku enflasyon kêm dibe, êdî hewcedarîya me bi tedbîrên bi vî rengê namîne." Yilmaz derbarê rêziknameya bacê de jî wiha got: "Di vî warê de wê tertîb bên kirin."