Rojnamevanê Amedî Gokhan Çetîn di festîvala fîlman a li Hamburgê de bi belgefîlma xwe 2 xelat wergirt.

Çetîn ku bi belgefîlma "Ronahîya Malê" beşdarê 14. Festîvala Fîlmên Kurdî ya Hamburgê bû, tevê xelata taybet a jurîyê 2 xelat wergirt. Rojnamevan û derhênerê Amedî Çetîn di pêşbirka kurtefîlma herî baş a mafên mirovan a Yekîtîya Ewropayê ya sala 2018'an de xelata yekemîn girtibû.

Çetîn ku meha borî bûbû mêvanê Amed Radyo TV'yê, dîyar kiribû ku wî kişandina belgefîlmê qedandîye û ew ê beşdarê Festîvala Fîlman bibe. Belgefîlma Çetîn ku di belgefîlma xwe de bal kişand ser çîrokên jîyana rast a 'mirovî', di 14'emîn Festîvala Fîlmên Kurd a Hamburgê de di kategorîya 4'emîn de xelat wergirt. Her wiha ji Çetîn re bi pêşengîya jûrîyê 'Xelata Nîşana Taybet' (xelata wêrekîyê) jî hat dayîn.