Bajarên ku ji erdhejê xisar dîtîn yek jê jî Amed e.
Li Amedê xwedîyên xanîyan ku rewşa erdhejê wek fersendê bikartîne û bihayên kirêya xanîyan du qat û sê qat zêde dikin re ji alîyan ve bertekên tund tên nîşandan. Serokê Şaxa Amedê yê Komeleya Pîşesaz û Karsazên Serbixwe (MUSIAD) Mehmet Bozkuş, derbarê mijarê de daxuyanî da û wiha got, "Weke ku em hemû dizanin, em bi felaketeke erdhejê re rû bi rû man. Ez dixwazim balê bikşînim ser mijareke ku di van demên dawî de me bihîst û me xemgîn kir û bînim ziman. Em dibihîzin ku li Amedê hinek xwedîyê xanîyan kirêya xanîyan gelekî zêde kirine. Bi vê rewşê em gelekî xemgîn dibin. Em bi tu awayê ji van kesên kirêya xanîyan zêde dikin re nabine navbeynkar û em her tim li dijî wan derdikevin.
