Platforma Em ê Kuştina Jinan Rawestînin (KCDP) rapora xwe ya Hezîranê eşkere kir. Li gor raporê; Di meha Hezîranê de 22 jin hatin qetilkirin, 27 jin bi guman mirî hatin dîtin.

Ji wan 6 jinan bi hinceta ku dixwazin hev berdin, lihevkirin, zewac û têkilî red kirine hatine qetilkirin.

Ji van jinan 2 ji alîyê aborî ve hatin qetilkirin, yek jî bi hinceta ku zarokê xwe girtîye hatîye qetilkirin.

Di meha Hezîranê de hat dîyarkirin ku ji sedî 41ê jinan ji alîyê zilamê ku pê re zewicîn ve hatine qetilkirin. Ji sedî 55ê jinan li malê hatine qetilkirin, ji sedî 55ê van jinan bi çekê hatine kuştin.