Platforma Şaxên Konfederasyona Sendîkayên Kedkarên Cemawerîyê (KESK) ya Amedê, derbarê betalkirina Biryarnameyên di Hukmê Qanûnê de (KHK) û betalkirina xala demkî ya 35’emîn a ku li Biryarnameya jimara 375’an ku destûr dide ji kar derxistina sazîyên cemawerîyê lêzêde kir de, daxuyanî da. Endama Lijneya Rêveber a Sendîkaya Kedkarên Xizmetguzarîya Hemû Şaredarî û Rêveberîyên Herêmî (TUM BEL-SEN) ya Şaxa Amedê Ayşe Kûran axivî û wiha got, "Piştê Rewşa Awarte, mîtîng û daxuyaniyên çapemenîyê ku têkoşîna rêxistinên kedê û rêxistinên sivîl, bi hincetên cuda hatin astengkirin. Îktîdara sîyasî ji bo ku KESK’ê ku mafên aborî û demokratîk ên kedkarên cemawerîyê yên li welat diparêze û têkoşîna kedê dide, bê tesîr bike, her cure bêhiqûqîyê pêk tîne.” Ayşe Kûran her wiha dîyar kir ku heta kedkarên cemawerîyê yên hatine îxrackirin venegerin, ew ê têkoşîna xwe bidomînin.