Konfederasyona Sendîkayên Kedkarên Cemaweriyê (KESK) û Sendîkaya Kedkarên Buroyê (BES) li navçeya Peyasa Amedê li ber avahiya Navenda Ewlehiya Civakî daxuyanî dan. Daxuyanî ji hêla Sekretera Jinan a BES’ê Guneş Ozel ve hat xwendin.

Ozel wiha got, “Bi qanûnên ku hatine derxistin re muameleyên bi milyonan welatiyên me yên nû teqawîtbûyî 2-3 qat barê xebatkarên heyî û xebatkarên Saziyên Ewlehiya Civakê zêde kiriye. Em wek xebatkarên SGK’ê bi vê giraniya kar re zehmetiyên mezin dikêşin. " Ozelê da zanîn ku heta daxwazên wan bi cih neyên wê her rojên pêncşemê li ber Miduriyetên SGK’ê çalakiyan li dar bixin .