Projeya Sîstema Vênêrîna Eloktronîk a Egzozê (EGEDES) ku ji alîyê Wezaretîya Guherîna Îklîm, Bajarsazî û Hawirdorîyê ve, ji bo pêşî li qirêjîya hewayê bigre hatibû amadekirin hat ragihandin ku di 81 bajaran de ket merîyetê.

Li gor daxuyanîya Wezaretîyê hat dîyarkirin ku EGEDES wesayîtên ku mûayeneyên egzozê nehatîye kirin di nav çend sanîyeyê de tespît dike û ji bo mûayeneya egzozê hişyarîyê dide da ku kontrola egzozê temam bibe. Her wiha di daxuyanîyê de hat gotin ku divê ajovan bêyî pîvanên egzozê dernekevin hatûçûyê û ajovanên ku pîvanên egzozê nekiribin dê ji bo wan li ser sîstemê rapor were amadekirin û 2 hezar û 815 lîra ceza li wan bê birîn.