Botan International ku navenda wê li Amedê ye, di 5 şaxên cuda de Atolyeyên Rojnamegeriya Dîjîtal a Kurdî li dar dixe. Botan International bi piştgiriya aborî ya Rêxistina Rojnamegerên Sînornenas (RSF) atolyeyên bi Kurdî organîze dike.

Perwerdeya Atolyeyên Rojnamegeriya Dîjîtal a Kurdî ku wê di navbera 11-12’ê Gulanê de bên lidarxistin, dê rû bi rû û bi kurdî be.

Botan International ku di van du salên dawî de 69 komxebat û civîn li dar xist, dê perwerdehiya bêpere bide perwerdekarên ku dê beşdarî atolyeyan bibin.

Komxebatên Botan International û mamosteyên ku dê beşdar bibin wiha hatin eşkerekirin:

Nûçegihaniya wêneyan, Sertaç Kayar (REUTERS)

Pêşkêşvanê Bernamê Gernas Nenas (Waar TV)

Edita Vîdyoyê, Semiha Yıldız (Botan Times)

Amadekirina Nûçeyên Dosyayê, Abdurrahman Gök, (Ajansa Mezopotamya)

Edîtorê Medyaya Civakî, Hozan Adar (DW, Amîda Haber)