Hat ragihandin ku li Bartînê otobusa rêwiyan wergeriya, bi dehan kes birîndar bûn. Li taxa Akçamescit li ser rêbeja Bartîn-Zonguldakê, Otobusa rêwiyan ji kontrolê derket û di kendalê wergeriya. Gelek ekîbên cendirme, tenduristiyê, AFAD û agirtefê sewqê cihê qezayê bûn. Li gor tespîtên ewil di qezayê de 40 kes birîndar bûn. Birîndar piştî mudaxeleya ewil a li cihê qezayê rakirin Nexweşxaneya Dewletê ya Bartin. Hat ragihandin ku ajokarê otobusê M.E yê ku di qezayê de birîndar bû di îfadeya xwe ya ewil a cendirme de got ku "Ez ji xwe çûbûm".