Li gorî daneyên Sazîya Îstatîstîkê ya Tirkîyeyê (TUÎK) hat dîyarkirin ku rêjeya 'bawerîya bi aborîyê' zêde bûye.

TUÎK'ê daneyên Endeksa Bawerîya Aborî ya meha Îlonê eşkere kir. Li gor daneyên TUÎK'ê Endeksa bawerîya aborîyê ya ku piştê hilbijartinê ji ber bihabûna û zem û zêdekirina bacê kêm bûbû, ji meha Gulanê û vir ve cara ewil zêde bûye. Endeksa pêbawerîya aborîyê di meha Tebaxê de 94,1 bû, di meha Îlonê de ji sedî 1,3 zêde bû û derket 95,4an. Endeksa pêbawerîya serfkaran li gor meha borî di meha Îlonê de ji sedî 5,1 zêde bû û derket 71,5an.