Li tinêleke ku li ser rêya Wan-Colemêrgê hê înşeata wê dewam dike, hilweşîya û 2 kes di bin enkazê de man.

Li gor agahîyên ku hatin bidestxistin duh êvarê di navbera navçeyên Payîzava û Elbakê ya Wanê tinêlek hilweşîya û hat dîyarkirin ku sedema hilweşandinê nehat zanîn. Hat destnîşankirin ku kesek bi awayekî birîndar di bin hilweşandinê de xelas bû lê du kes jî di bin enkazê de man. Piştê hewldanên lêgerîn û xelaskirinê cenazeyên du kesan di bin enkazê de hate dîtin. Hat dîyarkirin ku cenazeya du kesan rakirin morga nexweşxanê. Derbarê bûyerê de lêpirsîn hat destpêkirin.