Şaredarê Bajarê Enqereyê Mansur Yavaş di bernameya televizyonê ya ku do beşdar bû de rojev nirxand.

Yavaş li ser pirsa namzediya serokomariyê wiha got, “Em di serî de li ser karê xwe ne. Em hewl didin ku xizmetên ku ji aliyê gelê Enqereyê ve hatine wergirtin di asta herî bilind de pêşkêş bikin. Ez xwe weke karmendekî cemawerîyê dibînim û hewl didim ku giraniyê bidim karê xwe.”

Yavaş, anî ziman ku ew piştgiriyê dide Maseya Şeşalî û wiha got, “Em dixwazin tiştên baş çêbibin. Ji ber vê sedemê em ê piştgiriyê bidin biryara Maseya Şeşalî. Bêyî biryara Kemal Kiliçdaroglu û Meral Akşener xanimê ez ê tu gav neavêjim. Ez bawer dikim ku Maseya Şeşalî wê biryara herî rast bidin.”