Odeya Tabîban a Amedê (DTO) daxuyand ku ew ê bursê bidin xwendekarên Tibê yên ji Amedê.

Odeya Tabîban a Amedê ragihand ku wan ji bo xwendekarên Fakulteya Tipê ya li Zanîngeha Dîcleyê dixwînin an jî ji bo xwendekarên ji Amedê yên ku li bajarên din tibê dixwînin, dest bi bernameya bûrsê kirin e.

Hat ragihandin ku serîlêdanên ji bo bûrsa mehane 1000 lîre ku wê 10 mehan bidome, wê di navbera 1 û 30yê Îlonê de bên kirin.

Di daxuyanîya ku ji teref DTOyê ve hatîye dayîn de wiha hat gotin: “Em di şert û mercên welat de zehmetîyên xwendina zanîngehê dizanin. Lijneya Îdareyê ya Odeya Tabîban a Amedê biryar da ku ji Cotmeha 2023-2024an û pê de di serî de ji bo xwendekarên Fakulteya Tipê ya Zanîngeha Dîcleyê û xwendekarên herêma erdhejê bi bexşên bijişkên endam, ji bo 10 mehan wê her meh 1000 lîre bûrs bide. Ji bo serîlêdanê divê hûn di navbera 1 û 30yê Îlonê de, bi belgeyên pêwîst û forma serîlêdanê ji navnîşana e-maila Odeya Tabîban a Amedê (dî[email protected]) bişînin.