Di Lijneya Giştî ya Meclîsê de pêşnûmeya lêkolînê ya HDP'ê ya bi armanca "lêkolînkirina êrîşa Taksîmê" bi dengên AKP û MHPê hat redkirin. Cîgira Serokê Koma HDP’ê Meral Daniş Beştaş û Parlamenterê HDP’ê yê Amedê Garo Paylan li ser hesabê xwe yê Twîtterê diyar kirin ku ev pêşnûme bi dengên AKP û MHP’ê hatiye redkirin. Garo Paylan got; “Dixwazin kes nizanibe ku 3 birayên kesê bombe li Taksîmê bi cih kiribû dema di nava refên DAIŞ’ê de şer dikir jiyana xwe ji dest dane û birayê din jî fermandarê opozîsyona Sûriyê ya ku Tirkiyê piştgiriya wê dike bû. Ji bo eşkerekirina rastiya komkujiyê, pêşnûmaya ku me pêşkêşê Meclîsê kir bi dengên AKP-MHP'ê hat redkirin.