PARTÎYA REFAH JI ERDOGAN RE BERTEKA TUND NÎŞAN DA! “AK PARTÎ JI ME RA DEREW KIR”
Alîkarê Serokê Giştî yê Partîya Refah Dogan Aydal got, “AK Partî ji me ra derew kir.” Aydal ku di bernameyeke televîzyonê ya ku beşdar bû de li dijî Serok AKP'ê û Serokkomar Recep Tayyîp Erdogan û namzetê Şaredarîya Bajarê Mezin a Stenbolê ya AKP'ê Mûrat Kurum gotinên tund bikar anî û wiha axivî; “AK Partî ji me ra derew kir.
Gel naxwaze bi AK Partîyê re bibin yek. Em ne partîyeke ku ji bo AK Partî bi ser bikeve yan jî winda bike hatîye avakirin, em partîyeke namzetê desthilatdarîyê ne. We namzetê xwe yê Stenbolê jî bi me re parve nekir. Di dema wezîrtîya Murat Kurum de ji bilî kîsika plastîk tiştekî din tê bîra we?
