Endamê Akademîya Zanistê û Zanyarê Erdhêjê Prof. Dr. Nacî Gorur got, "Em dikarin bibêjin ku erdhêjên li Amedê ji ber asêbûnê dibe ku zêde bibin."

6 meh piştê erdhêja 6'ê Sibatê ku navenda wê Mereş bû pêk hatin, li gor daxuyanîya AFAD'ê, di 2 rojên dawîn de, li Yeşîlyurt a Meletîyê 5,3, li navçeya Hênê ya Amedê 4,2, li Gazîpaşa ya Antalya 4,5 û li Kanîreşa Çewlîgê 4,3 erdhêj çêbûn.

Prof. Dr. Nacî Gorûr, anî ziman ku ji ber zext û asêbûnê, li Amedê tê payîn ku erdhêj zêde bibe û wiha got: "Me di erdhejên 6'ê Sibatê de leza liv û tevgerê dît. Lewheya Ereban ber bi Avrasyayê ve çû û di vê navberê de Rojhilatê Anadoluyê asê kir.

Rojhilatê Anadoluyê bi rastî jî herêmeke aktîf a erdhejê ye. Erdhej ji ber zextê çêdibin.

Ew ji ber tengbûna Rojhilatê Anadoluyê di navbera plakaya Ewrasya û Ereban de ye. Ji ber ku lewheya Ereban di 6'ê Sibatê de bi awayekî cidî nêzî Avrasyayê bû, li wir jî zextek mezin çêbû.

Ji ber vê yekê, em dikarin li bendê bin ku di erdhejên pêçandî de zêdebûnek têkildar be. Bi rastî, min wê demê wiha şîrove kir. Amed jî divê wiha bê dîtin."