9 rêxistinên Elewiyan bertek nîşanê êrîşên hemwext ên li dijî Cemxane yên li Enqereyê dan. Serokê Şaxa Amedê ya Komeleya Çandê ya Pîr Sûltan Abdal (PSAKD) Aydin Atli, li Cemxaneya Amedê daxuyaniyek da.

Atli bal kişand ser polîtîkayên asîmîlasyonê yên li ser baweriya Elewiyan û xwest Cemxane yên ku îbadetxaneya Elewiyan in, bên qanûnîkirin. Atli, bal kişand ku ev êrîş bi giştînameya ku Wezareta Karên Hundir ji 81 walîtiyê re şandiye pêk hatiye; Diyar kir ku êrîş organize ye û xwest hêzên li pişt wan bên eşkerekirin. Welatiyên Elewî li dijî provokasyonan hişyarî dan û xwestin ku saziyên Elewî bên hembêzkirin.