Di salvegera 43'emîn a Darbeya Leşkerî ya 12'ê Îlonê de, li ber Girtîgeha Tîpa E ya Amedê bang hat kirin ku Zîndana Dîyarbekir bibe muze.

Komeleya Mafên Mirovan (ÎHD) a Şaxa Amedê û Komeleya 78’an bi boneya salvegera Darbeya Leşkerî ya 12’ê Îlonê, li ber Girtîgeha Tîpa E ya Amedê daxuyaniya çapemeniyê li dar xistin.

Serokê Şaxa ÎHD'ê ya Amedê Ercan Yilmaz daxuyanî xwend û diyar kir ku tevî ku di ser derbeya 12'ê Îlona 1980'an re 43 sal derbas bûne jî, hêjî hesabê darbeyê mehatîye pirsîn.

43 sal in em bi vê qanûna derbeyê dijîn. Li welatê ku di 12'ê Îlonê de tê birêvebirin siyaseta antîdemokratîk dest pê kir. Gelek darvekirin, kuştin û zilm û zordestî qewimîn.

Bi qanûnên darbeyê, di van salên dawî de, darizandina adil hat taloqkirin, Pirsgirêka Kurd jî nehat çareserkirin û diyar e ku welat bi vê feraseta antîdemokratîk nayê birêvebirin. Divê Girtîgeha Amedê ku sembola darbeyê ye, were guhertin. Em daxwaz dikin ku girtîgeh bibe muzexane.”